உங்கள் கருத்து
  • பண் தமிழ் கலை பண் பாட்டுக்கழகம் நோர்வே on மரணஅறிவித்தல்
  • rajah on
  • பண் தமிழ் கலை பண் பாட்டுக்கழகம் நோர்வே on
  • sivamany on
  • அமரர்தம்பையாவாத்தியார் குடும்பம் on
  • பண் தமிழ் கலை பண் பாட்டுக்கழகம் நோர்வே on
  • kunaththilakam saanthai on மரண அறிவித்தல்
  • பண் தமிழ் கலை பண் பாட்டுக்கழகம் நோர்வே on மரண அறிவித்தல்
தமிழில் எழுத
பிரிவுகள்
தமிழ் பெயர்கள்



1882-ம் ஆண்டு டிசம்பர் 11 சின்னசாமி ஐயருக்கும் லட்சுமி அம்மாளுக்கும் எட்டயபுரத்தில் பிறந்த பாரதி சுப்பையா என்று அழைக்கப்பட்டார் தனது 11-ம் வயதில் பள்ளியில் படித்து வரும்பொழுதே கவிபுனையும் ஆற்றலை வெளிப்படுத்தினார். 1897 ஆம் ஆண்டு செல்லம்மாளை மணந்தார். 1898 ஆம் ஆண்டு தொழிலில் ஏற்பட்ட நஷ்டத்தினால் வறுமை நிலையினை அடைந்தார். இதனை எட்டையபுரம் மன்னருக்குத் தெரிவித்து பொருளுதவி வழங்குமாறு கடிதத்தில் கேட்டுக்கொண்டார் பின்னர் எட்டையபுரம் அரண்மனையில் பணி கிடைத்தது. சிறிது காலங்களிலேயே அப்பணியை விடுத்து காசிக்குச் செல்கின்றார். 1898 முதல் 1902 வரை காசியில் தங்கி இருந்தார். பின்னர் எட்டையபுரத்தின் மன்னனால் அழைத்து வரப்பட்டு காசி அரண்மனை ஒன்றினில் பாரதி வாழ்ந்தார். இவ்வாறு ஏழு வருடங்கள் பாட்டெழுதாமல் இருந்த பாரதி 1904 ஆம் ஆண்டு மதுரையில் அவர் எழுதும் பாடல் ‘விவேகபானு’ இதழில் வெளியானது. வாழ்நாள் முழுதும் பல்வேறு தருணங்களில் பத்திரிகை ஆசிரியராகவும் மதுரையில் சேதுபதி மேல்நிலைப் பள்ளியில் தமிழாசிரியராகவும் பணியாற்றியுள்ளார்.

தமிழ், ஆங்கிலம், இந்தி, சமஸ்கிருதம் மற்றும் வங்காள மொழி ஆகியவற்றில் புலமை பெற்றவர். பிற மொழி இலக்கியங்களை மொழி பெயர்க்கவும் செய்துள்ளார்.

’’தேடிச் சோறுநிதந் தின்று
பல சின்னஞ் சிறுகதைகள் பேசி
மனம் வாடித் துன்பமிக உழன்று
பிறர் வாடப் பல செயல்கள் செய்து
நரை கூடிப் கிழப்பருவம் எய்தி
கொடுங் கூற்றுக் கிரையெனப்பின் மாயும்
பல வேடிக்கை மனிதரைப் போலே நான் வீழ்வே னென்று நினைத்தாயோ?’’

கவிதை எழுதுபவன் கவியன்று. கவிதையே வாழ்க்கையாக உடையோன்,
வாழ்க்கையே கவிதையாகச் செய்தோன், அவனே கவி பாரதி,

நமக்குத் தொழில் கவிதை, நாட்டிற்கு உழைத்தல், இமைப்பொழுதும் சோராதிருத்தல் – பாரதி

தம் தாய்மொழியாம் தமிழின்மீது அளவுகடந்த அன்புகொண்டவர். பன்மொழிப் புலமைபெற்ற பாவலரான இவர் “யாமறிந்த மொழிகளிலே தமிழ்மொழிபோல் இனிதாவ தெங்கும் காணோம்” என கவிபுணைந்த கவிஞாயிறு. சம்ஸ்க்ருதம், வங்காளம், ஹிந்தி, ப்ரெஞ்ச் மற்றும் ஆங்கிலத்தில் தனிப்புலமை பெற்றவர். அம்மொழிகளின் தனிச்சிறப்புமிக்க படைப்புகளை தமிழ்மொழியாக்கம் செய்தவர். பழந்தமிழ்க் காவியங்களின்மீது தனி ஈடுபாடு கொண்டவர். அழகியல் உணர்வும் தத்துவ சிந்தனைகளும் ஒருங்கே கொண்ட மாமேதை. தேசிய கவி என்ற முறையிலும் உலகு தழுவிய சிந்தனைகளை அழகியலுடனும் உண்மையுடனும் கவின்றதினாலும், இவர் உலகின் தலைசிறந்த கவிஞர்களுடன் ஒப்பிடப்படும் சிறப்பு பெற்றவர். தமிழின் தன்னிகரற்ற கவியேறு.

குயில் பாட்டு
கண்ணன் பாட்டு – இந்துக் கடவுளான கண்ணன் மீது பாடிய பாடல்களின் தொகுப்பாகும்.
பாஞ்சாலி சபதம்

ஆகியன அவர் படைப்புகளில் சில.
பத்திரிகைப் பணியும் விடுதலைப் போராட்டமும்

பாரதியார் சுதேசமித்திரனில் உதவி ஆசிரியராக நவம்பர் 1904 முதல் ஆகத்து 1906 வரை பணியாற்றியதோடு தம் வாழ்நாளின் இறுதியிலும் ஆகத்து 1920 முதல் செப்டம்பர் 1920 வரை அவ்விதழின் உதவி ஆசிரியராகப் பணியாற்றியே மறைந்தார். சக்கரவர்த்தினி என்ற மகளிர் மாத இதழிலும் (ஆக. 1905-ஆக. 1906 ), இந்தியா என்ற வார இதழில் (மே 1905-மார்.1906/செப்.1906, புதுச்சேரி: 10.19.1908- 17.05.1910 சூரியோதயம்1910 கர்மயோகி (திசம்பர் 1909-1910 தர்மம் (பிப்.1910),என்ற இதழ்களிலும் பாலபாரதா ஆர் யங் இண்டியா என்ற ஆங்கில இதழிலும் ஆசிரியராகப் பணியாற்றின தேசியக் கவி

விடுதலை போராட்ட காலத்தில் தேசிய உணர்வுள்ள பல்வேறு கவிதைகளை படைத்து மக்களை ஒருங்கிணைத்த காரணத்தால் பாரதி தேசிய கவியாக போற்றப்படுகிறார். மண்ணும் இமயமலை எங்கள் மலையே… மாநிலமீதிதுபோல் பிறிதிலையே… இன்னறு நீர்க்கங்கை ஆறெங்கள் ஆறே… இங்கிதன் மாண்பிற்கெதிர் எது வேறே என்று எழுதியவர்.

தன்னுடைய தாய்நாட்டை நினைந்து பெருமைகொண்டதோடு மட்டுமன்றி அதன் எதிர்காலம் எவ்வாறிருக்கவேண்டும் என்ற பார்வையும் பெற்றவர். “வந்தேமாதரம் என்போம் எங்கள் மாநிலத் தாயை வணங்குதும் என்போம்” என்றவர், பள்ளித்தலமனைத்தும் கோயில் செய்குவோம் என்றார். வங்கத்தில் ஓடிவரும் நீரின் மிகையால் மையத்து நாடுகளில்பயிர்செய்யும் நதிநீர் இணைப்புத் திட்டத்தை விடுதலைக்கு முன்பே கனவுகண்டவர்.

ஆடுவோமே பள்ளு பாடுவோமே ஆனந்த சுதந்திரம் அடைந்துவிட்டோம் – என்று விடுதலைக்கு முன்பாகவே பாடிக்களித்த பாரதி, தேச விடுதலைக்கு முன்பாகவே உயிர்நீத்தவர்.

பாட்டுக்கொரு புலவன் பாரதி பாடல்களின் இலக்கணக் கட்டுக்களைத் தகர்த்தெறிந்தவன். இவனுக்கு முன்பாக கவிபுனைந்த கவிஞர்கள் தொல்காப்பிய இலக்கணம் சிறிதும் வழுவாமல், பொருள்கொள், யாப்பு, அணி என இலக்கணத்தில் கட்டுண்டு கற்றோர் மட்டும் கற்றறியும் கவிதைகளையே புணைந்தனர். இலக்கணச் சட்டங்களைத் தகர்த்தெறிந்த பாரதி, புதுக் கவிதை என புகழப்படும், பாமரரும் கேட்டுணரும் வசன கவிதையை தமிழுக்குத் தந்தவன்.

தமிழகத்தில் முதலில் பெண்ணுரிமையைப் பேசியது பாரதியாகத்தான் இருக்கமுடியும். பெண்ணடிமை தீருமட்டும் பேசும் இத் திருநாட்டில் மண்ணடிமைதீருதல் முயற்கொம்பே என பெண்ணுரிமையை ஏத்தினான். போற்றி போற்றியோராயிரம் போற்றி நின் பொன்னடிக்குப் பல்லாயிரம் போற்றிகான் என்ற பாரதி பெண்மை வாழ்கவென கூத்திடுவோமடா என்றான். பெண்களின் கல்வியறிவுக்காகவும் சட்டங்களை செய்திடவும் கனவு கண்ட பாரதி, சாதம் படைக்க மட்டுமல்லாது தெய்வச் சாதிபடைக்கவும் பெண்கள் தகுதிபடைத்தவர்கள் என்று கனவு கண்டான்.

10 Responses to “சுப்பிரமணிய பாரதி”

  • norway sivasakthebandian:

    கருத்து அறிவானதே.இதை விமரசனம் அன்றும் செய்திருக்கிறார்கள்.இதே விமர்சனம் இன்றும் இருக்கின்றது.இது கணனியுகம் விமர்சனம் வினாடிக்கு பல வரும்.பாரதி சொன்னதல்ல யார் எது சொன்னாலும் விமர்சிப்பதால் அவர் கூறிய கருத்துக்கள் பொய்யாகாது அதற்க்காக உண்மையும் ஆக்கமுடியாது.இதற்க்கு அறிவுகளை நிறைபோடப்போனால் எங்கு என்னவிலை என கடைகளை தேடப்போகிறார்களே. நோர்வே சிவசக்திபாண்டியன்

  • வாசகன்:

    விவேகானந்தரி்ன் சி்ஷ்யை நிவேதாவை பார்க்க மகாகவி பாரதியார் சென்றார். உங்கள் மனைவி வரவில்லையா? என்றார் நிவேதா. “அவள் என்னுடன் வந்து என்ன சாதிக்க போகிறாள்?” என்ற கேள்வியை எழுப்பினார் பாரதி.
    அதற்கு நிவேதா, “நீ்ங்கள் என்ன சாதித்தீர்கள்?” என்று எதிர் கேள்வி கேட்டார். இந்த சந்திப்பின் பிறகுதான் பெண்களாலும் சாதிக்க முடியும் என்ற உண்மை நிலையை யோசித்து பெண்கள் விடுதலைக்காக போராடினார் மகாகவி பாரதியார்.

  • Sivanantham.S:

    வாரம் ஒரு அறிஞர் வரலாறு தருகிறோம் என்று ஆரம்பித்து, நல்லறிஞர் வரலாறுகளை நன்றே தந்து வந்த இணையம், இன்று அகிலம் போற்றும் மூத்த அறிஞர்களை அவமதிக்க ஆரம்பித்திருப்பது மிகுந்த வேதனைக்குரிய விடயமாகும். திருமதி வினோதினி அவர்கள்,சர்வதேசப் பெண்கள் தினத்திற்காக வெளியிடப்பட்ட அறிஞர் வரலாற்றுக்கு, ஒரு பெண் என்ற முறையில், நல்ல முறையில் வழங்கிய வாழ்த்தானது வேண்டுமென்றே சிலரால் திசை திருப்பப்பட்டு, அர்த்தமற்ற விவாதம் இந்தவிடையத்தில் உருவாக்கம் பெற்றிருப்பது, இணையத்திலுள்ள சிலர், இணையத்தில் வெளியாகும் நல்ல விடையங்களுக்கு நல்ல கருத்துக்களை வழங்கும் எமதூர் நல்ல அறிவாளர்களைஎல்லாம், புறம்தள்ளிவிட்டு, தங்களைத் தாங்களே சிறந்த அறிவாளர்கள் என்று காட்டமுனைவதாகவே எண்ணத்தோன்றுகிறது.
    எனவே, அன்பான நண்பர்களே, இணையத்தில் வரும் விடையங்களுக்கும், கருத்து வழங்குபவர்களுக்கும் , மதிப்பளித்து , அனைத்து மக்களையும் அன்பாக அரவணைத்துப் பழகக்கற்றுக்கொள்ளுங்கள்,
    நன்றி!

  • சச்சிதானந்தன்:

    குதிரைக்கு கொம்பா ஐயகோ.

  • T.BALA. pannipulam:

    தங்கை வினோதினி பெண் அடிமை பற்றி பேசிய, எழுதிய பாரதி தன் மனைவியை எப்படி நடத்தினார் என்பதை பாரதியார் பற்றிய கட்டுரைகளில் தெரியும்.அவர் தன் மனைவிக்கு சுதந்திரம் கொடுத்ததாய் சரித்திரம் இல்லை.இருந்தாலும் அதை அனுபவித்து எழுத இப்படி நடாத்தினாரோ.பெண் சுதந்திரம் என்றால் என்ன? உடுபுடவையிலா? வேலையிலா? குடும்பவாழ்க்கையிலா? நிதி நிலையிலா? ஊதியமா? இப்படி ஒவ்வொரு கேள்வியையும் கேட்டு அதற்க்கான பதிலை தேடுங்கள்.அதன்பின் தான் ஆண்கள் எப்ப சுதந்திரம் கேட்ப்பார்கள் என கேள்விவரும். பணிப்புலம் த.பாலகுமார் டென்மார்க்.

    • vinothiny:

      பாலகுமார் அண்ணா, அப்படிப் பார்த்தால் புத்தகங்களில் இணையங்களில் எழுதுவோர்கள் எல்லோரும் வீட்டில் அப்படியே நடக்கின்றார்களா?
      “ஊருக்குத் தான் உபதேசம் எனக்கல்ல” என்பது நீங்கள் அறியாத விடயமல்ல. இதற்கு பாரதி மட்டும் விதிவிலக்கா என்ன? எதோ வீட்டில் தன் மனைவிக்கு சுதந்திரம் கொடுக்காத பாரதி தன் மனைவியைப் போல இல்லாது மற்றப் பெண்களாவது சுதந்திரமாக இருக்க வேண்டும் என நினைத்தாரே, அதுவரையில் ஒரு பெண்ணாக அவருக்கு எனது நன்றி.உங்களில் எத்தனை ஆண்கள் அவரைப் போல் சிந்திக்கின்றீர்கள்???? நீங்கள் கேட்பது போல் பெண்களின் சுதந்திரம் பணத்திலா,உடுபுடைவையிலா ,வேலையிலா அல்லது எந்தவிடயங்களாயினும் சரி சில பெண்களுக்கு அடிப்படையிலே பேசும் சுதந்திரமே மறுக்கப்படுகின்றதே?

      தமிழகத்தில் முதலில் பெண்ணுரிமையைப் பேசியது பாரதியாகத்தான் இருக்கமுடியும். பெண்ணடிமை தீருமட்டும் இத் திருநாட்டில் மண்ணடிமைதீருதல் முயற்கொம்பே என பெண்ணுரிமையை ஏத்தினான். போற்றி போற்றியோராயிரம் போற்றி நின் பொன்னடிக்குப் பல்லாயிரம் போற்றிகான் என்ற பாரதி பெண்மை வாழ்கவென கூத்திடுவோமடா என்றான். . பெண்களின் கல்வியறிவுக்காகவும் சட்டங்களை செய்திடவும் கனவு கண்ட பாரதி, சாதம் படைக்க மட்டுமல்லாது தெய்வச் சாதிபடைக்கவும் பெண்கள் தகுதிபடைத்தவர்கள் என்று கண்டான்.

      பெண்களே…!

      மலரும் பூமியில்
      மடமைகளால் கருகிப் போவது..
      மாதர் மட்டும் தான்….!
      எழும் நூற்றாண்டுகளுக்குள்
      எழுந்து கொள்ளாத சுமையாய்…
      எரிக்கப்படுபவளும் பெண்தான்…!
      இன்னும்…
      புதுமைகள் காணும் உலகில்
      பூவாய் தான் உன் பிரவேசமோ?
      பாரதியின் சொற்களில்
      உன் விடியல்கள்
      நிச்சயிக்கப்பட்ட பின்னும்
      உன் எண்ணத் திமிறல்களுக்கு
      விலங்கிடாதே…!
      உன் குருதியால் தான்
      சமூகம் உயிர்வாழ்கிறது….
      இருப்பினும் நீ
      அடிமைக் கணிப்பீடாய்த் தான்
      இன்னும் !
      இருபதிற்குள் தொலைந்தவை
      தொலையட்டும் பெண்ணே ….!
      இந்நூற்றாண்டில் புயலாய் வீசு…!
      சுதந்திரத்தை சுவீகரித்து ..
      உன் அந்தஸ்த்தை
      நிலைநிறுத்து .!

      நன்றியுடன் வினோ

      • oorvilampi:

        சபாஷ் சரியான போட்டி வினோ அக்கா ! உங்களுக்கு வாழ்த்துக்கள்.

      • அக்கா வினோ
        பாரதிமாமா, சும்மா வேலைஇல்லாத காலத்தில் சத்தம் போட்டார் , இப்ப அவர் இருந்தால் (3) வேலை செய்து தனது ஆத்துக்காறியை அந்தமாதிரி வைத்திருப்பார். காலம் மாறி பிறந்து விட்டார். கல்லுவைத்தசாறி வாங்கிஅதற்க்கு ஏத்த மாலையும் வாங்கி ,யீப்பில் ஏற்றிக் கொண்டு றோயல் யோடி மாதிரி வலம் வருவார். அந்தக்கதை வினோ அக்காவுக்கு தெரியாது பொல பாவம் அக்கா,

        • நெதர்லாந்திலிருந்து சுதர்ஷன்::

          ஓம் ஓம்…அப்ப உங்கட கதையை பார்த்தல் இப்ப நாங்கள் எல்லாம் நவீன பாரதிகளோ? ஓம் ஓம்…அப்ப உங்கட கதையா பார்த்தல் இப்ப நாங்கள் எல்லாம் நவீன பாரதிகளோ? உந்த (பாரமான) கல்லுசாறிகளோட அவையளை கஷ்டப்படட்டு இருக்கிறது நடக்கிறதுகளை பார்த்தல் பரிதாபநிலையாக இருக்கும்… Laughing out Loud.

  • vinothiny:

    சுப்ரமணிய பாரதியை பற்றிய தொகுப்பினை வெளியிட்ட சந்திரன் அண்ணா அவர்களுக்கு நன்றி. இந்நேரத்தில் அவர் பற்றிய தொகுப்பை இணையத்தில் கொண்டுவந்தமை மிகச் சிறப்பானது. ஏனெனில் முதன்முதலில் பெண்ணடிமையைப் பற்றி பேசியது அவர் தான்.

Leave a Reply

விளம்பரங்கள்
பிறந்தநாள் வாழ்த்து
முந்தைய செய்திகள்