நுவரெலியா – பதுளை பிரதான வீதியில் ஹக்கல பூங்காவில் இருந்து நுவரெலியா திசையில் 200 மீற்றர் தொலைவில் முச்சக்கரவண்டி ஒன்று பள்ளத்தில் கவிழ்ந்து விபத்துக்குள்ளானதில் ஒருவர் பலியானதோடு, மேலும் இருவர் படுகாயமடைந்துள்ளனர்.

இந்த விபத்து நேற்று (31) இரவு 08 மணியளவில் இடம்பெற்றுள்ளது.

முச்சக்கரவண்டி தனது கட்டுப்பாட்டை இழந்து 11 மீற்றர் பள்ளத்தில் வீழ்ந்து விபத்துக்குள்ளாகியது.

விபத்தில் முச்சக்கர வண்டியில் பயணித்த சாரதி உள்ளிட்ட மூவர் படுகாயமடைந்து நுவரெலியா வைத்தியசாலையில் அனுமதிக்கப்பட்டு 42 வயதுடைய ஒருவர் சிகிச்சை பலனின்றி உயிரிழந்துள்ளார்.

மற்றைய இருவர் தொடர்ந்தும் சிகிச்சை பெற்று வருகின்றனர்.