மருந்துகள் சிலவற்றை மலசலகூடம் ஒன்றில் களஞ்சியப்படுத்தி வைத்திருந்த வர்த்தக உரிமையாளருக்கெதிராக சட்ட நடவடிக்கை எடுக்கப்பட்டுள்ளது.

கண்டி நகரிலுள்ள பல்வேறு மருந்தகங்களில் மேற்கொள்ளப்பட்ட தேடுதலின் போதே ஒரு வர்த்தக நிலையத்தில் மருந்துத் தொகுதியொன்று மலசலகூடத்தில் களஞ்சியப்படுத்தி வைக்கப்பட்டுள்ளது.

அழகு சாதன, ஒளடத அதிகார சபையினரால் மேற்கொள்ளப்பட்ட தேடுதலின்போது இந்த விடயம் தெரியவந்துள்ளது.

இடவசதி போதாமையினால், குறித்த வர்த்தக நிலையம் மலசலகூடத்திலும் மருந்துப்பொருட்களை களஞ்சியப்படுத்தியுள்ளது.

அத்துடன், உணவு ஒளடத சட்ட திட்டங்களுக்கு அமைய பெரும்பான்மையான மருந்தகங்கள் செயற்படவில்லை எனவும் இவர்களுக்கெதிராக சட்ட நடவடிக்கை எடுக்கப்படும் எனவும் இந்த தேடுதலின் முடிவில் அதிகாரிகள் தெரிவித்துள்ளனர்.