உங்கள் கருத்து
தமிழில் எழுத
பிரிவுகள்
தமிழ் பெயர்கள்



நெத்திலி மீன் தொக்கு

தேவையான பொருட்கள் :

நெத்திலி மீன் – 1/2 கிலோ

சின்ன வெங்காயம் – 150 கிராம்

தக்காளி – 1/2 கிலோ

பச்சை மிளகாய் – 5

மிளகாய்த் தூள் – 1 1/2 டீஸ்பூன்

மஞ்சள்தூள் – 1/2 டீஸ்பூன்

பூண்டு – 10 பல்

கறிவேப்பிலை – சிறிதளவு

வெந்தயம் – 1/4 டீஸ்பூன்

சீரகம் – 1/2 டீஸ்பூன்

கடுகு – 1/2 டீஸ்பூன்

எண்ணெய் – 3 மேஜைக்கரண்டி

புளி – சிறிய எலுமிச்சை அளவு

தேங்காய்ப் பால் – அரை கோப்பை

உப்பு – தேவையான அளவு

செய்முறை : நெத்திலி மீனில் இருந்து முள்ளெடுத்து, உப்பு போட்டு நன்றாக கழுவி, தண்ணீரை வடித்து வைக்கவும்.புளியை சிறிதளவு தண்ணீர் சேர்த்து கரைத்து கொள்ளவும். சின்ன வெங்காயம், தக்காளியை நறுக்கிக் கொள்ளவும்.அடுப்பில் அகன்ற பாத்திரத்தை வைத்து எண்ணெய் ஊற்றி சூடனதும், கடுகு, வெந்தயத்தை போட்டு தாளித்த பின்னர் பூண்டை தட்டி போடவும்.

பூண்டு லேசாக வதங்கியதும் வெங்காயம், கறிவேப்பிலை சேர்த்து பொன் நிறமாக வதக்கவும்.வெங்காயம் நன்றாக வதங்கியதும் எல்லா மசாலா தூள் வகைகளையும் சேர்த்து இரண்டு நிமிடம் வதக்கிய, பின்னர் நறுக்கிய தக்காளி, நீளவாக்கில் இரண்டாக நறுக்கிய பச்சை மிளகாய் சேர்த்து மிதமான தீயில் ஐந்து நிமிடம் நன்றாக வதக்கவும்.

தக்காளி நன்றாக வதங்கியதும் கரைத்த புளியை ஊற்றி பச்சை வாடை போகும் வரை கொதிக்க விடவும்.நன்றாக கொதிக்க ஆரம்பித்தவுடன் கழுவி வைத்திருக்கும் நெத்திலி, உப்பு சேர்க்கவும்.அடுத்து அதில் தேங்காய்ப்பால் சேர்த்து குறைந்த தீயில் ஐந்து நிமிடம் வேக விடவும்.நெத்திலி கொதித்து தொக்கு பதம், வந்தவுடன் தூவி அடுப்பிலிருந்து இறக்கி வைக்கவும்.நெத்திலி மீன் தொக்கு

Leave a Reply

விளம்பரங்கள்
பிறந்தநாள் வாழ்த்து
முந்தைய செய்திகள்