உங்கள் கருத்து
தமிழில் எழுத
பிரிவுகள்
வாசகர்கள்


முந்தைய செய்திகள்

பணிப்புலமும் அதன் இதர கிராமங்களான சாந்தை காலையடி சுற்றாடல்களில் இருக்கும் அனைத்து  பொது நிலங்களும்  யாரால் பொதுமக்களிடம் வழங்கப்பட்டது என எண்ணிப் பார்ப்போமானால் சில விடயங்கள் தெளிவுக்கு வரும்.  சிவன்கோயில் திரு கார்த்திகேசு செட்டியார் அவர்கள் பணிப்புலம் மக்களிடம் கையளித்து அதை  இன்று பொதுமக்கள் தங்களால் உருவாக்கப்பட்ட நிர்வாக அமைப்பின் உதவியுடன் நடாத்துகிறார்கள்.    பணிப்புலம் அம்பாள் ஆலயத்தின் உண்மையான சொந்தகாரகிய  திரு நாராயணிஅவர்கள் ஆரம்ப காலங்களில் இந்த ஆலயத்தை பொதுநிர்வாக அமைப்பு ஒன்று   நடத்த அனுமதியும் கொடுத்து இந்த ஆலயத்தின் அர்ச்சகர்களுக்கு கோவில் வருமானத்தில் ஒரு பகுதியையும் கொடுத்து மிகுதியை  ஆலயத்திருப்பணிக்கு பயன்படுத்தப்பட்ட அன்று அனுமதி வழங்கியிருந்தார்.  இருப்பினும்  இந்த ஆலய நிர்வாகிகள்  சிலரின் சுய விரோதங்களால் ஆலயம் பூட்டப்பட்டு வழக்குகள் என்று இழுபட்டு  பல பிரச்சனைகளின் பின் தீர்க்க முடியாத இந்த  கோவில் பிரச்சனையை  ஒரு  சிலர் அவர்கள் வசதிக்கு ஏற்ற வகையில் தன்னிச்சையாக  வழங்கிய தீர்ப்பை வைத்து அதில் ஒரு சிலருக்கு கிடைத்த வசதியைக் கொண்டு ஒரு தொழிற்ச்சாலை நிலையில் அவர்கள் இந்த ஆலயத்தை வழிநடாத்தி வருகிறார்கள். இது யாவரும் அறிந்ததே.

 இன்றைய ஆறுமுக வித்தியாலயத்திற்கான(செட்டி பள்ளிக்கூடம் )  வளவு  ஒரு செட்டியாரால் வழங்கப்பட்டது.  சாந்தை சித்தி வினாயகர் ஆலயம் திரு ஆறுமுகம் பஞ்சாட்சரம் (குஞ்சர் ஐயர்) அவரகளால் பொதுமக்களிடம் வழங்கப்பட்டு இன்று பொதுநிர்வாக அமைப்பால் நடாத்தப்பட்டு வருகிறது. இவரே சாந்தை சன சமூக நிலையத்திற்கு நிலமும் வழங்கியவர்.  இடுமன் கோயில் திரு வேல்முருகன் ஆசிரியரால் பொதுமக்களிடம் வழங்கப்பட்டு இந்த ஆலயமும்   பொதுநிர்வாக அமைப்பினால் வழி நடத்தப்பட்டு வருகிறது. வெற்றிமடம் இன்றைய மறுமலர்ச்சி மன்றம் திரு ஆறுமுகம் கந்தசாமி (அன்ரி) அவரகளால் வழங்கப்பட்டு பொது மக்களால் நிர்வாகம் செய்யப்படுகின்றது..

பணிப்புலம் சன சமூக நிலையம் திரு நாராயணி அவர்களால் 1944ல் எழுத்துமூலம் வழங்கப்பட்டு இன்று அதன் உரிமை மக்களுடையது அல்ல என சில விசமிகள் உரிமை கோரினாலும் அதன் புணர்நிர்மான வேலைக்கான ஆரம்ப வேலைத்திட்டங்கள் தடங்கல் பலதுடன் முன்னெடுக்கப்பட்டுள்ளது.      

இந்த கொடை கொடுத்த அனைவருமே செட்டியார் அடி வந்த செட்டிமார்களே. இதில் என்ன உண்மை என்றால் நம் சமூக மக்கள் இன்று பொதுச் சொத்து என்று கூறும் அனைத்துமே செட்டிமார்களால் கொடுக்கப்பட்ட சொத்துக்களே. இந்த வேளையில் எம்முன் எழும் கேள்வி என்னவென்றால்  எமது ஊர் மக்கள் சமூகம் முன்னேற நாம்  என்ன செய்தோம் என்றால் பூச்சியம் தான் விடையாகும்.  நாங்கள் தானே மீள் நிர்மானம் செய்தோம் என்றால் சரி.    ஆனால் இதைவிடுத்து பணிப்புல மக்கள்  ஏதாவது  முன்னேற்றம்  நோக்கிய எண்ணங்களை  வெளியிடுகிறீர்களா (கோவில் கட்டுவதை தவிர)   ?   இல்லை அந்த எண்ணம் கொண்டவரை  யாரவது மதிப்பளிக்கின்றீகளா அங்கும் இல்லை என்ற பதில்தான் வரும். 

வெளிநாடுகளில் வாழும் எமது ஊர் மக்கள் செய்ய நினைக்கும் முயற்சிகளை யராவது ஊரவர்கள் அதை நடைமுறைபடுத்த ஒத்துழைப்பு தருகிறீகளா என்றால் அங்கும் இல்லை என்ற பதில்தான்  ஏனேனில் ஊரில் உள்ளவர்கள் யார் பெரியவர் யார் அறிவாளி என்ற போட்டியும் குரோதமனப்பாங்கை வெளிப்படுத்துவது வெளிநாடுகளில் எம்மவரால் செய்ய நினைக்கும் பல முயற்சிகளுக்கு தடைக்கற்களாக அமைந்துவிடுகிறது..

வெளிநாட்டில் எமது ஊர் மக்களால் உருவாக்கப்பட்டு இயங்கும்  கட்டமைப்புக்கள் அனைத்துமே தனிய களியாட்டங்களுக்கான ஒரு ஒன்று கூடல்களாகவே அமைந்து விடுகிறது.

இது ஆரோக்கியமா என சிந்திக்க வேண்டிய வேளை இது. காரணம் எமது ஊரில் உருவாகும் எமது சந்ததி ஒவ்வொரு காலகட்டத்திலும் வெளிநாடு சென்று உழைக்கும் நிலையே இன்று உள்ளது. நன்நீரே இல்லாத இஸ்ரேல் என்ற நாட்டில் வாழும் மக்களின் நிலை இது வல்ல… இதை ஒரு பாடமாக கொண்டு ஊரில் ஊர் மக்களுக்கு வருமானம் தரக்கூடிய ஒரு தொழிற் பட்டறையோ அல்லது அது சார்ந்த ஒரு அமைப்பை இன்று உருவாக்க வேண்டிய காலம் இது.

உண்மையில் நாம் (எமது சந்ததி)  ஊருக்கு காசு அனுப்பலாம். ஆனால் ஊர் நிறமே தெரியாத எமது அடுத்த  சந்ததி உங்களை(ஊரில் உள்ளவரை )   எள்ளவும் நினைத்து பார்க்க மாட்டாது. அன்று உங்களுக்கு மிஞ்ச போவது வெறும் கோவில் கட்டிடங்கள் மட்டுமே…

மேலும் இந்த தேவைகளுக்கு  பணிப்புலம் வாழ் மக்கள் தங்கள் சொத்துக்களில் ஒரு சாணும் வழங்காமல் செட்டிகள் சொத்தைக் கொண்டு நம் மக்கள் அப்படி செய்தோம் இப்படி செய்தோம் என தம்பட்டம் அடித்துக் கொண்டே உங்கள்  வாழ்க்கைச் சக்கரத்தை தயவு செய்து ஓட்ட வேண்டாம். 

 மேலும் எம் மக்கள் சார்பில் எமது ஊருக்கு இந்த நிலங்களை வழங்கிய கொடைவள்ளல் பரம்பரைகளுக்கு நன்றிகள்.

இவை உங்கள் அனைவரின்  சிந்தனைக்கும் சமர்ப்பணம்.                    தகவல் . மனிதன்

16 Responses to “பணிப்புலத்தில் யார் கொடைவள்ளல்கள் !”

  • sivasakthibandiyan:

    நீங்கள் தான் அவர் என்பது இந்த மக்களுக்கு தெரியவைக்கவே கேட்கப்பட்டது இப்பொழுது யார் அவர் இவரா இதைவிட சில அரசியல் நகர்வுகள் புரிந்த மனிதர் நீங்கள் ஏன் உங்கள் பாணி 70 க்குள் போகிறீர்கள் தற்ப்போதைய நிலை நிலமை அறிந்து நடப்பவைகள் பற்றி சிந்திக்கவும் நான் உங்கள் நண்பன் அடிக்கடி உரையாடுவோம் அடிக்கடி சந்திப்பவர்கள் இன்னும் புரியாவிட்டால் உங்கள் தவறு சிவசக்திபாண்டியன்

  • sivanantham.s:

    தங்களுடைய பெயர் எனக்கு அறிமுகமில்லாததாலும், இந்த இணையமானது,தொடர்ந்தும் அநாமதேய நபர்களுக்கு இடமளித்து, தாயகத்து தற்கால நிலைமைகளைப் பற்றிய சிந்தனையின்றி, ஊர்மக்கள் அனைவரினதும் நலன்களில் அக்கறையின்றி தேவையற்ற வாதப் பிரதிவாதங்களை நடாத்தி 1976ம் ஆண்டு ஊர் மக்களிடையே ஏற்பட்ட ஒற்றுமையீனத்தை மேலும் தூபமிட்டு வளர்ப்பதையே அவதானிக்கமுடிகிறது . எனவே எனது தனிப்பட்ட செயற்பாடுகள் பற்றி அநாமதேய நபர்களுக்கு தெரிவிக்க வேண்டிய அவசியம் எனக்கில்லை.
    நன்றி!

  • sivasakthibandiyan:

    ரகசியம் தனியப் பேசலாம்.ஆனால் இது பரகசியமாக தெரிவிக்கப்பட்டவையே எனவே மக்கள் அறியபேசலாமே நான் உங்கள் தொடர்புள்ளவனே ஆனால் இது நட்பை விட சமூகம் சிவசக்திபாண்டியன்

  • sivanantham.s:

    இவ்விடயம் சம்பந்தமாக பல மாதங்களுக்கு முன்பாகவே கி.அ.ச.நிர்வாகத்தினருக்கு அறிவிக்கப்பட்டுவிட்டது. இக் கருத்தை வழங்கியவர் நோர்வேயிலிருந்து கேட்டிருப்பதாகக்
    குறிப்பிட்டுள்ளார். ஆனால் அவருடைய பெயர் அறிமுகமற்றதாகவுள்ளது. அவர் விரும்பும் பட்சத்தில் என்னுடன் நேரடியாக தொடர்பு கொண்டால் விளக்கம் கொடுக்கப்படும்.
    நன்றி!

  • sivasakthibandiyan:

    எமது கிராமத்துக்கு கிராம அபிவிருத்திசங்கம் கட்ட எமது ஊரில் நிலம் தருவதாய் ஒருவர் இன்னும் ஒரு இணையத்தில் அறிவித்து இவருக்கு நிறைய பாராட்டுகளும் கிடைத்து அந்த நிலம் இதுவரை அங்கு வழங்கவில்லையாம் ஆனால் இப்படியும் பெருமைகள் சேர்க்கமுடியும் நீங்களும் முடியுமானால் முயற்ச்சிக்கலாம், நோர்வே சிவசக்திபாண்டியன்

  • sivanantham.s:

    கீதாச்சாரம்
    எது நடந்ததோ அது நன்றாகவே நடந்தது
    எது நடக்கிறதோ அது நன்றாகவே நடக்கிறது
    எது நடக்க இருக்கிறதோ அதுவும் நன்றாகவே நடக்கும்
    உன்னுடையது எதை இழந்தாய்
    எதற்காக நீ அழுகிறாய்?
    எதை நீ கொண்டு வந்தாய் அதை நீ இழப்பதற்கு?
    எதை நீ படைத்திருந்தாய் அது வீணாவதற்கு?
    எதை நீ எடுத்துக்கொண்டாயோ அது இங்கிருந்தே எடுக்கப்பட்டது
    எதைக் கொடுத்தாயோ, அது இங்கேயே கொடுக்கப்பட்டது
    எது இன்று உன்னுடையதோ அது நாளை
    மற்றொருவருடையதாகிறது
    மற்றொரு நாள், அது வேறொருவருடையதாகும்
    இந்த மாற்றம் உலக நியதியாகும்!

    இதுவரை தாங்கள் இதை பார்த்திருக்காவிட்டால் !படித்திருக்காவிட்டால் !
    அறிந்திருக்காவிட்டால் !
    இன்றிலிருந்து பார்த்து, படித்து, அறிந்துகொள்ளவும்.

    • நலன் விரும்பி:

      இது ஆரியர்கள் திராவிட சேவகர்களுக்காக எழுதிய அடிமை வாசகங்கள் இவை. அவர்களிடம் கேட்டால் கண்ணன் உபதேசம் என்பார்கள்.

      இதை எல்லாம் நம்பி வெள்ளைக்காரன் ஒன்றும் செய்யாமல் இருந்து இருந்தால் அவன் இந்த குளிர் காலத்தில் விறைத்து செத்து ஒளிந்து இருப்பான்.

      அடிமை எண்ணங்கள் கொண்ட தமிழர்களுக்கு மட்டும் இந்த வாசகங்கள் தேனாய்
      இனிக்கின்றது.

      • நெதர்லாந்திலிருந்து சுதர்ஷன்:

        நல்ல point நலன் விரும்பி… – எம்மை நாம் ஏமாற்றுவதற்கே சில சமயங்களில் பாவிற்கபடும் சாரம் இது..எமது முன்னேற்றத்தை குன்ற/முடக்க வைக்கும் வாசம் இது..தமிழன் தன்னம்பிக்கையை இழக்க கூடாது..

  • T.BALAKUMAR:

    கொடை கொடுப்பவர்கள் கொடை கொடுக்கும்வரை கொடை வாங்குபவர்கள் கொடை வாங்கிக்கொண்டே இருப்பார்கள் கொடைகள் நிறுத்தப்படும்போது கொடைகளில் வாழ்க்கை ஓட்டுபவர்கள் பொதுவான சொத்துக்களை கண்வைத்து இதுவும் எங்களுக்கு வழங்கிய கொடை என்று உரிமைகள் கோரும் சிலரால் கொடை வழங்கியவர்களே கவலை கொள்ளும் அளவுக்கு கொடைகள் பெற்றவர்கள் நன்றிக்கடன் அற்றவர்களாகவும் சொத்துக்களே சித்தம் பணமே மோகம் பொதுமக்களே கடவுள் சொல்கிறார் என மாயைக்குள் வாழ்பவர்கள் கொடைகள் கொடைகளாய் கொண்டாடப்படும் போதே கொடைகள் கௌரவிக்கப்படும். பாலா

    • நெதர்லாந்திலிருந்து சுதர்ஷன்:

      அப்பப்பா எத்தனை ‘கொடை’ என்ற சொற்கள்???? தலையே சுத்துது…

  • a.pavanantham:

    நான் ஒரு செட்டிபரம்பரையை சார்ந்தவன் உங்கள் இணையவரவு பல நல்ல கருத்துக்க பல உண்மைகளை ஊர்மக்களுக்கு வெளிப்படுத்தும் உள்ளது. உங்கள் சேவைகள் தொடர வாழ்த்துக்கள் எங்கள் பரம்பரைகள் வழங்கிய கொடைகள் எனக்கே பெருமையாக உள்ளது இருந்தாலும் பெரும்கவலை நம்மவர் வழங்கிய நோக்கமே பொது. ஆனால் ஏன் இன்னும் ஒரு சில ஆலயம் தனிப்பட்டவர்கள் வியாபார ஸ்தலமாக மாற்றப்பட்டு நடாத்தப்படுவது கவலை அளிக்கின்றது நான் சென்ற வருடம் சென்றபோது மிகவும் சங்கடபட்டேன் இது பற்றி என்னால் இதில் எழுத இடமளித்த இணையத்துக்கு நன்றி

    ஆ.பவானந்தம்
    லண்டன்

  • sivanantham.s:

    அநாமதேய நபரினால் எழுதப்பட்ட இந்த தலைப்பு எதற்காக வெளியிடப்பட்டது?
    தாங்கள் ஒரு சிலர் மட்டும் அநாமதேய பெயர்களில் இப்படியான காலச் சூழ்நிலைகளிற்கு
    ஏற்புடைத்தாகாத எழுத்துக்கள் மூலம் அப்பாவி மக்களின் மனங்களைப் புண்படுத்தி , வெந்தபுண்ணில் மீண்டும் வேலைப்பாய்ச்ச முற்படுவதேன்? தங்கள் பெயர்களையே குறிப்பிடத் திராணியற்ற தங்களிற்கு எதற்காக இத்தகைய தொழிற்பாடு?
    மக்களிற்கு விளக்க முடியுமா?

  • அழ பகீரதன்:

    பணிப்புலம் அம்பாள் சனசமூகநிலையத்தின் முதல் தலைவர் ஆறுமுகம் கந்தசாமி (மன்த்தின் தந்தை) என செவிவழியாக அறிந்திருக்கின்றேன்.உண்மையை விளக்கவும். நாம் யார் கொடைவள்ளல் என்று ஆராய்ந்து கொண்டிருப்பதில் அர்த்தமிருப்பதாக எனக்கு தெரியவில்லை. சொத்து எப்படி ஒருவருக்கு முற்காலத்தில் சேர்ந்தது என்பது ஆராயப்படவேண்டும். பாட்டாளிவர்க்கம் என்ற ஒன்று உழைத்த உழைப்பினை உறிஞ்சியே சொத்து சேர்த்திருப்பார்கள் என நினைக்கின்றேன். நாங்கள் உழைக்கும் வர்க்கத்தை சேர்ந்தவர்கள். எங்களுக்கு அப்போது சொத்து இருக்க வாய்ப்பில்லை. இருந்திருந்தால் அப்போது அக்காலத்தில் எமது மூதாதையரும் கொடைவள்ளல்களாக இருந்திருப்பார்கள். கொடைவள்ளல்களாக காட்டப்படும் அரசர்களின் வழியில் நாங்கள் இல்லை. பாட்டாளி வர்க்கத்தை சேர்ந்தவர்கள் என்பதில் எமக்கு பெருமை உண்டு

  • நன்கொடை என்பது, ஒருவர் தானே விரும்பி கொடுப்பது! இன்னொருவரிடம் இருந்து, நன்கொடையாக ஒன்றை நாம் எடுத்துக்கொள்கிறோம் என்று சொல்வது, அலலது நன்கொடையாக தாருங்கள் என்று வன்மையாக கேட்பது, பலாத்காரம். ஒருவர் நன்கொடை செய்வதை வைத்து, மற்றவரும் செய்ய வேண்டும் என்று நினைப்பது விதண்டாவாதம். ஒவ்வொருவரும், தாம் தழுவும் தர்ம விதிகளுக்கொவ்வ, அவரவர் நன்கொடை அமைகிறது. நன்கொடை கொடுத்தவரை போற்றலாம். கொடுக்காதவரை தூற்றுதல் பிழையே! செட்டிகளாக தம்மை அடையாளப்படுத்துபவர்கள் கொடுத்த நன்கொடைகள் வியக்க வைக்கின்றன. தலை வணங்குகிறேன். அவர்கள் தர்மம் அவர்களை காக்கும். கொடுக்காதவர்களை தூற்றல் வேண்டாமே!!!

  • ansanensan:

    இப்படி மற்றவன்ரை சொத்தை வைத்தே வண்டிஓட்டிய பணிப்புலம் வாசி என்பதில் வெட்க்கம்.அம்மன் கோயில் ஏதோ வெட்டினோம் விளுத்தினோம் என்ற நோக்கில் ஆட்சி. பொதுவான ஒரு நூல் நிலையத்துக்கு இடைஞ்சல். ஊரில் எனிமேல் ஆதல் இந்த கொடைவள்ளல்களை மதித்து ஊரின் வளர்ச்சி அங்கு இருக்கும் ஆலயங்கள் அல்ல கல்விகள் வழங்கும் கல்விக்கூடங்களே. ஆலய கட்டிடங்கள் மூட நம்பிக்கைக்கான பிரச்சார கூடங்களே எனி மேல் ஆதல் நமது ஊரின் முன்னேற்றத்திற்க்கு எனிமேல் ஆதல் நமது பங்களிப்புடன் ஏதாவது செய்வோமா.எமது அயல் ஊரான பிரான்பற்று புலம் பெயர் மக்கள் தங்கள் ஊரில் ஒரு தொழிற்க்கல்வி நிலையம். கைத்தொழில்பட்டறை இதை விட அவர்கள் தம் ஊரில் இருக்கும் ஒரு ஆலயத்தையே வைத்து வணக்கத்தலமாக பூசிக்கின்றனர்.இதுவே கிராம முன்னேற்றமாகும். இது நாமும் சிந்திக்கவேண்டிய விடயம். அஞ்சாநெஞ்சன்

  • nisanthan:

    எனது வயதுக்கும் என் எண்ணங்களும் எவ்வளவு தப்பு என்பதை ஒரு சிறு கட்டுரை எடுத்துக்கூறி உள்ளது.நான் நினைத்து எங்கள் ஊர் எமது மக்கள் எமது நிலங்கள் என்றே ஆனால் எமது நிலங்கள் அனைத்து பொதுச்சொத்துக்களும் செட்டிகளால் வளங்கியிருப்பது என்றால் ஒட்டு மொத்தமாய் அன்று இவர்கள் வாழ்ந்தது தான் உண்மை எம் ஊரே எமக்கு உரிய ஊர் இல்லை என தெரிவதால் நாமும் அங்கு வந்தேறிய குடிகள். நிஸந்தன்

Leave a Reply

திருமண சேவை

விளம்பரங்கள்




 

பிறந்தநாள் வாழ்த்து